පෙම් ගීත
පෙම් ගීත හෙව්වාද නුඹ ආදරේ නාමයෙන්....
මං තාම තනිමගක නුඹ දුරක ගිය දා පටන්....
පෙම් සීත දැණුනාද වැහි කෝඩ ගෙන ආ සුළං....
මං ඈත - දුර ඈත - හිත බඳිමි කඳුළැලි අරන්....
ගී හඬ - මී ගඟ - උතුරාම යාවී
මා හද සසැලේවී මා ඇවිලී යාවී....
මනලෝල මනමාල සිතු සේම ඔබ ගාව
මගෙ ප්රාණ සම වේ ද ශෘගාරිණී....
නින්නාද උන්මාද වුණු සේම ඔබ ගාව
මගෙ ප්රාණ නිම වේ ද ශෘගාරිණී....
ගී හඬ - මී ගඟ - උතුරාම යාවී
මා හද සසැලේවී මා ඇවිලී යාවී....
1027h
25.07.2021
නිවනට අවසර වූ දා....
භවෙන් හවය නොනිමි ගමන - නිවනින් කෙළවර වූ දා
සුවෙන් සුවය අමා නිවන - සසරක සැනසුම වූ දා
නිවන් පුරය වැඩි හිමියණි - දහමින් ලොව සැනසූ දා
සිතින් දුරය ඉන්නට ඇති මම - නිවනට අවසර වූ දා....
දේවාති දේවෝ - මුණි පාද වන්දේ - සුගතයාණෙනී....
බ්රහ්මාති බ්රහ්මෝ - මා සෑසි වන්දේ - බුදු පියාණෙනී....
මායාව දුරලූ - දම් අමා තෙපලූ
වායාම කරලූ - මර තේජ බිඳලූ
තණ්හාව දුරලූ - ලෝ දනා සැනසූ
මෙත්තාව බැඳලූ - ලෝ දහම ඉවසූ.....
සංසාර සිඳලූ - නොකීවෙන් සිතළු
තුන් ලොවම වරලූ - ඝණ අඳුර මැඩලූ
කරුණා ඉතිරලූ - ලොබ දෝස වැනසූ
ලෝ අර්ථ ගෙනලූ - මැදුම් මග පැවසූ....
විදුරාසන මත හිමි සඳ - ලොවටම කරුණාවෙන් හිඳ
මව්පිය සෙනෙහස පරදා - දම් අමාව පැතිරූ දා
අකණිටාව තෙක් තුන් ලොව - සාධුකාර ඉතිරුණ සඳ
දස දහසක් සක්වළ - සදහම් සුව වින්දා....
1225h
25.07.2021
0949h
හසුන් නොමැති - මුදු බැලුම් නොමැති - ඔබෙ
දසුන් නොමැති - හුදු සුසුම් පමණි මෙහි
නුසුන් නොමැති - මධු ඇළුම් කැමැති - මගෙ
කසුන් රුවැති - ළඳු කැලුම් පිනති එහි.....
දිවිතුරා - හදපුරා - පැතුව පෙම් - ඉගිලිලා
මන නුරා - ගිණි දවා - ඔහුගේ හද සනසලා
දිවිතුරා - බැඳි නුරා - නිවා මා - හදසලා
හද මරා - මා දවා - නුඹ ගියා - සැඟවිලා.....
දෙව් දුවණි නිද්රා - මල් හීය විද්දා
මා සිතා ගත් දා - සිහිනයම බින්දා - නුඹ ඉන් ගිය දා
පෙම් ගීය සිත මා පතුලෙහිම රැඳුණා
නුඹ යන්න ගිය දා - හද කඳුළු සැලුණා - මා දමා හැර දා.....
දිවිතුරා - හදපුරා - පැතුව පෙම් - ඉගිලිලා
මන නුරා - ගිණි දවා - ඔහුගේ හද සනසලා
දිවිතුරා - බැඳි නුරා - නිවා මා - හදසලා
හද මරා - මා දවා - නුඹ ගියා - සැඟවිලා.....
1026h
25.07.2021
