1027h

25.07.2021

නිවනට අවසර වූ දා....

භවෙන් හවය නොනිමි ගමන - නිවනින් කෙළවර වූ දා

සුවෙන් සුවය අමා නිවන - සසරක සැනසුම වූ දා

නිවන් පුරය වැඩි හිමියණි - දහමින් ලොව සැනසූ දා

සිතින් දුරය ඉන්නට ඇති මම - නිවනට අවසර වූ දා....

දේවාති දේවෝ - මුණි පාද වන්දේ - සුගතයාණෙනී....

බ්‍රහ්මාති බ්‍රහ්මෝ - මා සෑසි වන්දේ - බුදු පියාණෙනී....

මායාව දුරලූ - දම් අමා තෙපලූ

වායාම කරලූ - මර තේජ බිඳලූ

තණ්හාව දුරලූ - ලෝ දනා සැනසූ

මෙත්තාව බැඳලූ - ලෝ දහම ඉවසූ.....

සංසාර සිඳලූ - නොකීවෙන් සිතළු

තුන් ලොවම වරලූ - ඝණ අඳුර මැඩලූ

කරුණා ඉතිරලූ - ලොබ දෝස වැනසූ

ලෝ අර්ථ ගෙනලූ - මැදුම් මග පැවසූ.... 

විදුරාසන මත හිමි සඳ - ලොවටම කරුණාවෙන් හිඳ

මව්පිය සෙනෙහස පරදා - දම් අමාව පැතිරූ දා

අකණිටාව තෙක් තුන් ලොව - සාධුකාර ඉතිරුණ සඳ

දස දහසක් සක්වළ - සදහම් සුව වින්දා....

1225h

25.07.2021